ऊर्जा खबर
काठमाडौं । एनएमबि बैंक र ट्रेकिङ एसोसिएशन अफ नेपाल (टान) बीच डिजीटल सेवाहरूलाई प्राथमिकता दिनको लागी समझदारी भएको छ । सम्झौता असार ९ गते भएको हो ।
सम्झौतापत्रमा बैंकको तर्फबाट प्रमुख ब्यापार तथा रणनीति अधिकृत सुदेश उपाध्याय र टानका तर्फबाट अध्यक्ष खुब बहादुर सुबेदीले हस्ताक्षर गरे ।
सम्झौता अनुसार टानका सदस्यहरूले बैकको डिजीटल सेवाहरू सजीलै उपभोग गर्न सक्नेछन् ।
बैंकले डिजीटल सेवाहरू वी च्याट, पोस, क्युआर र पेमेन्ट गेटवे जस्ता सुविधाहरू प्राथमिकताको साथ प्रवाह गर्दै आईरहेको छ । यी सेवाहरूले गर्दा टानका सदस्यहरू लाई ब्यापार व्यवसायमा सहजीकरण हुने विश्वास लिइएको छ ।
बैंकले ग्राहकहरूलाई डिजिटल कारोवारहरूको उपयोगिताको महत्व बढाउन यस्ता किसिमका अभियानहरू सञ्चालन गर्दै आएको छ । बैंक ‘दि फिनान्सियल टाईम्स, लण्डनको ‘द ब्यान्कर’ पत्रिकाद्वारा एसियाकै सर्वोत्कृष्ट बैंकको उपाधी ‘बैंक अफ दि इयर एसिया २०२१’ बाट सम्मानित भएको बैंक हो ।
बैंकले २०१७, २०१८, २०२० र २०२१ का लागी पनि उक्त पत्रिकाद्वारा चार पटक नेपालकै उत्कृष्ट बैंकको उपाधी ‘बैंक अफ दि इयर नेपाल’ प्राप्त गरि सकेको छ । बैंकले हाल देशभरी २०१ शाखाहरू, १३८ एटिएमहरू र ११ एक्सटेन्सन काउन्टरहरू मार्फत उच्चस्तरीय सेवा प्रदान गदै आइरहेको छ ।
