ऊर्जा खबर
काठमाडौँ । पुतलीसडकमा अवस्थित ख्यातिप्राप्त शैक्षिक परामर्शदाता संस्था राइटपाथ करियर काउन्सिलिङले वैशाख २९ गतेदेखि जेठ ८ गतेससम्म ११ दिनसम्म देशैभर ‘ग्राण्ड एजुकेशन कन्क्लेभ २०२४’ आयोजना गर्ने भएको छ ।
लामो समयदेखि विद्यार्थीलाई करिअर काउन्सिलिङ गर्दै आएइरहेको संस्थाले उक्त कन्क्लेभ काठमाडौँबाट सुरु गरेर देशका विभिन्न ठूला तथा मुख्य सहरमा आयोजना गर्ने भएको हो ।
संस्थाले एक पत्रकार सम्मेलनको आयोजना गरी वैशाख २९ गते काठमाडौँ, ३१ गते धनकुटा, जेठ ३ गते हेटौँडा, जेठ ४ गते चितवन, ५ गते बुटवल, ६ गते दाङ र ८ गते ललितपुरमा कन्क्लेभ सम्पन्न हुने तालिका रहेको जनाएको छ ।
राइटपाथका अनुसार कन्क्लेभका अवसरमा आवेदन प्रक्रिया (एप्लिकेसन प्रोसेसिङ) मा शत प्रतिशत छुटको अफर रहेको कम्पनीले जनाएको छ । त्यस्तै, फ्रि मुभी टिकेट तथा आकर्षक उपहारहरूको व्यवस्था रहेको छ ।
त्यस्तै, संयुक्त राज्य अमेरिका (यूएसए) लक्षित २५ हजारसम्मको स्कलरसिप अफरदेखि ६ हजार लाग्ने आएल्स कोर्ष जम्मा २०८१ रुपौयाँमै पूरा गर्न सकिने छ ।
कन्क्लेभका अनवसरमा अध्ययनका लागि विदेश जान चाहने विद्यार्थी तथा अभिभावकले २० भन्दा धेरै ख्यातिप्राप्त विश्वविद्यालयका प्रतिनिधिलाई विद्यार्थीहरुले एकै छानामुनि भेट्न सक्ने जनइएको छ ।
राइटपाथका प्रमुख कार्यकारी अधिकृत (सिइओ) फिलिप्स डिसीले भने, ‘युनिभर्सिटीका रिप्रिजेन्टेटिभबाटै विद्यार्थीले सत्यतथ्य जानकारी पाउन सक्नु हुन्छ भन्ने नै हाम्रो कार्यक्रमको उद्देश्य हो । विद्यार्थीको रिसर्चमा पनि यस्ता कार्यक्रमले धेरै मद्दत पुर्याउँछ ।’
उनले विद्यार्थीलाई परीक्षापछिको तीन महिना समय खेर फाल्न नपरोस् भन्ने उद्देश्यका साथ यस्तो कार्यक्रम आयोजना गरिएको र भर्खरै प्लस टुको परीक्षा सकिएकाले पनि धेरै विद्यार्थीका लागि यो कार्यक्रम लाभदायी हुने बताए ।
त्यस्तै, वैशाख ३० गते सम्पन्न हुने भनिएको अफरहरू आगामी जेठ ८ गतेसम्म कायम हुने उनले बताएका छन् ।
