ऊर्जा खबर
काठमाडौं । झापा इनर्जी लिमिटेडले प्रदेश नम्बर १ को झापाको शिवसताक्षी नगरपालिकामा निर्माणाधीन सौर्य आयोजनाको १० मेगावाट विद्युत राष्ट्रिय प्रणालीमा जोड्न ३३ केभी प्रसारण लाइन निर्माण गर्ने भएको छ ।
कम्पनीले लाइनको अध्ययन पूरा गरेर निर्माण अनुमतिका लागि विद्युत विकास विभागमा आवेदन दिएको छ । विभागले कम्पनीको नाममा निर्माण अनुमति जारी गर्न ३५ दिने सूचना जारी गरेको छ । लाइन निर्माण तथा सञ्चालन गर्दा उल्लेखनीय प्रतिकुल असर पर्ने भएमा सूचना जारी भएको ३५ दिनभित्र आफ्नो लिखित राय/सुझाव कम्पनी वा विभागको कार्यालयमा प्राप्त हुने गरी पठाउनुपर्नेछ ।
लाइन आयोजनाको स्विचयार्डदेखि सोही नगरपालिकामा अवस्थित नेपाल विद्युत प्राधिकरणको बुलुचोक सबस्टेसनसम्म निर्माण हुनेछ । लाइनमा २३ वटा पोल निर्माण हुनेछ । लाइनको काम १ महिनाभित्र पूरा गर्ने कम्पनीले जनाएको छ ।
