ऊर्जा खबर
.jpg)
काठमाडौं । ऊर्जा, जलस्रोत तथा सिँचाइ मन्त्री टोपबहादुर रायमाझीको कोरोना परीक्षण नकारात्मक (नेगेटिभ) आएको छ । ११ दिनपछि बिहीबार परीक्षण गर्दा रिपोर्ट नेगेटिभ आएको हो ।
गत बैशाख १३ गते शुक्रराज ट्रपिकल तथा सरुवा रोग अस्पताल टेकूमा परीक्षण गर्दा कोरोना संक्रमित भएपछि मन्त्री रायमाझी नेपाली सेनाको छाउनीस्थित अस्पतालमा क्वारेन्टाइनमा बसेका थिए । स्वास्थ्यमा क्रमिक सुधार आएपछि उनी २० गते घर फर्केका थिए ।
परीक्षणका क्रममा मन्त्री सहित उनकी श्रीमती, छोरा–छोरी, निजी सचिव नारायण खत्री र भान्से महेश पन्तीलाई समेत कोरोना पुष्टि भएको थिये । संक्रमणमुक्त भएपछि मन्त्री नियमति काममा फर्किने उनका निजी सचिव खत्रीले बताए ।
