ऊर्जा खबर
काठमाडौं । रसुवा जिल्लामा निर्माण भइरहेको १२० मेगावाटको रसुवा भोटेकोसी जलविद्युत् आयोजनामा खटाउन प्राविधिक र प्रशासनिक अधिकृत कर्मचारीको माग गरिएकाे छ । लाङटाङ भोटेकोसी हाइड्रो पावर कम्पनीले निर्माण गरिरहेको उक्त आयोजनामा खटाउन १६ प्रशासनिक अधिकृत र प्राविधिक माग गरिएकाे हो ।
३ जना प्रशासनिक अधिकृत, २ जना मेकानिकल इन्जिनियर, ३ जना सिभिल इन्जिनियर, ३ जना फोरम्यान र ५ जना टेक्निसियन गरी जम्मा १६ कर्मचारीको माग गरेको कम्पनीले जनाएको छ । कम्पनीकाअनुसार प्रशासनिक अधिकृतका लागि सम्बन्धित काममा कम्तीमा पनि ३ वर्ष कार्यअनुभव भएको हुनुपर्नेछ ।
मेकानिकल इन्जिनियरका लागि इन्जिनियरिङ विषयमा स्नात्तक तह उत्तिर्ण गरी सम्बन्धित क्षेत्रमा कम्तीमा पनि ४ वर्ष काम गरेको हुनुपर्ने, सिभिल इन्जिनियरका लागि सम्बन्धित विषयमा स्नात्तक तह उत्तिर्ण गरी कम्तीमा ४ वर्ष कार्यअनुभव भएको हुनुपर्ने, फोरम्यानका लागि इन्जिनियरिङ विषयमा डिप्लाेमा गरी सम्बन्धित क्षेत्रमा २ वर्ष कार्यअनुभव भएको हुनुपर्नेछ ।
यसैरी, टेक्निसियनका लागि साधारण शिक्षा भएको र सम्बन्धित क्षेत्रमा २ वर्ष काम गरेको अनुभव हुनुपर्नेछ । इच्छुक योग्य व्यक्तिले सूचना प्रकाशित भएको ७ दिनभित्रमा आवेदन दिइसक्नुपर्नेछ । आवेदकले आवेदन दिँदा बायोडाटा, नेपाली नागरिकताको प्रमाणपत्र, शैक्षिक योग्यताको प्रमाणपत्रको प्रतिलिपि, पासपोर्ट साइजको फोटोसहित बुझाउनुपर्नेछ ।
