ऊर्जा खबर
म्याग्दी । म्याग्दीकाे मालिका गाउँपालिका–१ निस्कोटका ३ वटा बस्तीका १३४ घरमा विद्युतीकरण भएकाे छ । पालिकाका साङबोट, खहरे, बतासे, घोर्सी, छिस, रिठेचौर र कोदालीवाङमा राष्ट्रिय प्रसारण लाइनबाट बिजुली आपूर्ति भएको हो ।
मालिका–१ का वडाध्यक्ष टंकप्रसाद पुनले काम थालेको ६ वर्षपछि बत्ती बालिएको बताए । उनले भने, ‘घोर्सी, छिसका ५७, साङबोट, खहरे, बातासेका ६४ र कोदालीबाङका १३ घरमा वर्षौँको प्रयासपछि बत्ती बलेको छ ।’
मालिका–१ का ४६८ वटै घरमा राष्ट्रिय प्रसारण लाइनको विद्युत् सुविधा पुगेको वडाध्यक्ष पुनले बताए । यसअघि त्यहाँका बासिन्दाले रुमखोला लघुजलविद्युत् परियोजनाबाट विद्युत् उपभोग गर्दै आएका थिए ।
नेपाल विद्युत् प्राधिकण म्याग्दी वितरण केन्द्रका सूचना अधिकारी प्रकाश झाले मालिकाको वडा नम्बर १, २, ३ र ४ वडाका ५५० घरमा हालै विद्युतीकरण गरिएको जानकारी दिए ।
आव २०८०/८१ मा १ हजार ४३८ उपभोक्ता थपिएकाे उनले बताए ।
.jpg){kind=spacer}