ऊर्जा खबर
काठमाडौँ । औद्योगिक ग्राहकले डेडिकेटेड फिडर तथा ट्रङ्क लाइनबाट बिजुली प्रयोग गरेको प्रमाणका रूपमा नेपाल विद्युत् प्राधिकरणले टीओडी मिटरको विवरण समेटिएको भारी परिमाणको कागजात संसद्को सार्वजनिक लेखा समितिमा बुझाएको छ । उक्त कागजात करिब ५० हजार पेजको रहेको प्राधिकरण स्रोतले जनाएको छ ।
डेडिकेटेड र ट्रङ्क लाइनको महसुलबारेको विवादबारे छलफल गर्न केही दिनअघि मात्र बसेको लेखा समितिको बैठकले टीओडी मिटरको विवरण पेश गर्न प्राधिकरणलाई निर्देशन दिएको थियो । उक्त विवरण पेश गर्न ५ दिनको समय दिइएको थियो ।
उद्योगीले विद्युत् खपत गरेको प्रमाण नभई प्रिमियम महसुलको विल नतिर्ने अडान लिएको र लोडसेडिङका बेला विषय सुविधासहित खपत गरेको विद्युत्काे प्रिमियम बिल तिर्नुपर्ने अडान लिइरहेको बेला प्राधिकरणले विद्युत् खपत भएको खुल्ने टीओडी मिटरकै विवरण पेश गरेको दाबी गरेको छ । यसबारे हालसम्म औद्योगिक ग्राहकको तर्फबाट कुनै प्रतिक्रिया भने आइसकेको छैन ।
