ऊर्जा खबर
.jpg)
काठमाडौं । हिमालय ऊर्जा विकास कम्पनीको खुद नाफा ३३ लाख ३५ हजार रुपैयाँ घटेको छ । कम्पनीले सार्वजनिक गरेको वित्तिय विवरण अनुसार खुद नाफा घटेको हो ।
चालु आर्थिक वर्षको तेस्रो त्रैमाससम्मको अवधिमा ९ लाख ११ हजार रुपैयाँ खुद नाफा कमाएको कम्पनीले जनाएको छ । कम्पनीका अनुसार यो नाफा गत वर्षको यही समय अवधिको तुलनामा ३३ लाख ३५ हजार रुपैयाँ कम हो । गत वर्ष ४२ लाख ४६ हजार रुपैयाँ खुद नाफा कमाएको थियो ।
कम्पनीले अन्य स्रोतबाटनै नाफा कमाएको हो । कम्पनीले अन्य स्रोतबाट १० लाख २८ हजार रुपैयाँ आम्दानी गरेको छ । गत वर्ष यही समयअवधिमा ५५ लाख ६ हजार रुपैयाँ आम्दानी गरेको थियो ।
कम्पनीको रामेछापमा निर्माण सम्पन्न १९ मेगावाटका दुई जलविद्युत आयोजनाको विद्युत खेर गइरहेको छ । विद्युत जोडिने १३२ केभी गर्जाङ–खिम्ती प्रसारण लाइन पूरा नहुँदा विद्युत खेर गएको हो । विद्युत खेर जादा कम्पनीले मासिक ६ करोड रुपैयाँ आम्दानी गुमाइरहेको छ ।
