ऊर्जा खबर
काठमाडौँ । नेपाल विद्युत् प्राधिकरणले विद्युत् जडान सम्झौता (केन्सन एग्रिमेन्ट) भइसकेका जलविद्युत् आयोजनाहरूलाई ४ दिनभित्र विवरण बुझाउन पत्राचार गरेको छ । विद्युत् खरिद–बिक्री सम्झौता (पिपिए) का लागि प्राथमिकताका आधारमा सूची तयार गर्ने प्रयोजनका लागि विवरण बुझाउन प्राधिकरणले ५१ वटा जलविद्युत् आयोजनालाई पत्राचार गरेको हो ।
प्राधिकरण सञ्चालक समितिको ९९४ औँ बैठकको निर्णय अनुसार उक्त सूची तयार गर्ने प्रयोजनका लागि गत जेठ २ गते कार्यकारी निर्देशक हितेन्द्रदेव शाक्यले व्यवसाय विकास निर्देशनालयअन्तर्गत विद्युत् व्यापार विभागका उपकार्यकारी निर्देशकको संयोजकत्वसमा समिति गठन गरेका थिए ।
उक्त समितिले सक्दो छिटो पिपिएका लागि प्राथमिकताका आधारमा सूची तयारी गरी प्रतिवेदन बुझाउनु पर्ने भएको भन्दै ४ दिनभित्रै विवरण बुझाउन ती आयोजनाहरूलाई पत्राचार गरेको हो ।
प्राधिकरणले यसअघि गत वैशाख ३१ गते नदी प्रवाही (आरओआर) र आंशिक जलाशय (पिआरओआर) गरी १० मेगावाटमाथिका झण्डै ५ हजार मेगावाटकाका ५४ जलविद्युत् आयोजनाको प्राथमिकताका आधारमा पिपिए खुलाउने भन्दै ३० दिनभित्र प्रवद्र्धकलाई विद्युत् व्यापार विभागमा सम्पर्क गर्न आह्वान गरेको थियो ।
प्राधिकरणको पत्र
