ऊर्जा खबर
काठमाडौं । नेपाल विद्युत प्राधिकरणले आगामी मंसिरमा दिर्घ सेवा पदक र उपहार पदक वितरण गर्ने भएको छ । प्राधिकरणले ३६ औ वार्षिक उत्सवको अवसरमा कर्मचारीलाई प्रदान गरिएको पदक वितरण गर्न लागेको हो ।
दिर्घ सेवा र उपहार पदक विभिन्न प्रादेशिक र डिभिजन कार्यालयबाट वितरण गर्न लागिएको प्राधिकरणले जनाएको छ । प्राधिकरणका अनुसार आगामी कात्तिक २७ गते बागमती प्रदेशको प्रदेश डिभिजन कार्यालय हेटौडाबाट वितरण गरिनेछ ।
यस्तै, मंसिर २ गते गण्डकी प्रदेशको प्रादेशिक कार्यालय पोखरामा, ५ गते लुम्बिनी प्रदेशको प्रादेशिक कार्यालय बुटवलमा, ९ र १० गते प्रदेश नम्बर २ को प्रादेशिक कार्यालय जनकपुरमा र प्रदेश नम्बर १ को प्रादेशिक कार्यालय विराटनगरमा वितरण गरिनेछ ।
डिभिजन कार्यालय नेपालगञ्ज र कर्णाली प्रदेशको प्रादेशिक कार्यालय सुर्खेतमा १४ र १५ गते वितरण गरिनेछ । १७ गते सुदुरपश्चिम प्रदेशको प्रादेशिक कार्यालय अत्तरियामा वितरण गरिनेछ ।
प्राधिकरणले वार्षिकोत्सवका अवसरमा ४७१ कर्मचारीलाई दीर्घसेवा पदकबाट र ३५१ जनालाई उपहार पदकबाट सम्मान गर्ने निर्णय गरेको हो ।
प्राधिकरणले यसअघिनै पदक वितरण गर्ने समय तालिका निर्धारण गरेपनि विविध कारणले गर्दा गत भदौ १३ गते सुचना प्रकाशन गरी कार्यक्रम स्थगित गरेको थियो ।
