ऊर्जा खबर
काठमाडौं । सिन्धुपाल्चोकमा ७.२७ मेगावाटको याम्बालिङ खोला जलविद्युत आयोजना निर्माण गरिरहेको याम्बालिङ हाइड्रो पावर प्रालिको साधारण सभा आगामी भदौ १३ गते हुने भएको छ । कम्पनीको तेस्रो साधारणसभा बुधबार बिहान साढे ८ बजेदेखि हुने भएको हो ।
कम्पनीको साधारणसभामा आर्थिक वर्ष (आव) २०७९/८० को वार्षिक प्रतिवेदन उपर छलफल गरी पारित गरिनेछ । यसैगरी, आव २०७९/८० को लेखापरिक्षण प्रतिवेदन तथा वासलात नाफा नोक्सान, हिसाब, नगद प्रवाह विवरण तथा अनुसूची छलफल गरी निर्णय गरिने कम्पनीले जनाएको छ ।
सभाले आव २०८०/८१ को लेखापरिक्षण गर्नका लागि लेखापरिक्षक नियुक्ति गर्ने र निजको पारिश्रमीक निर्धारण गर्नेछ । साथै, सभामा साधारण सेयर निष्कासन गर्ने सम्बन्धी छलफल हुने कम्पनीले जनाएको छ । कम्पनीले निर्माण गरिरहेको आयोजनाको काम अन्तिम चरणमा पुगेको छ ।
