ऊर्जा खबर
काठमाडौँ । राष्ट्रिय प्रसारण ग्रिड कम्पनी लिमिटेड (आरपीजीसीएल) ले निर्माण गर्न प्रस्ताव गरेको सितलपाटी–ढुङ्गेसाँघु २२० केभी प्रसारण लाइन आयोजनसम्बन्धी परामर्श सेवाका ६ कम्पनी ‘संक्षिप्त सूची’ (सर्टलिष्ट) मा परेका छन् । प्राविधिक प्रस्तावका आधारमा योग्य ६ कम्पनी सूचीमा परेका हुन् ।
आरपीजीसीएलका अनुसार सूचीमा पर्ने कम्पनीहरूमा एईसीपीएल–ग्लोबल–जीपीएए संयुक्त उपक्रम (जेभी), ईआई माभेन प्रालि, हाइड्रो कन्सल्ट इन्जिनियरिङ लिमिटेड, जेड कन्सल्ट प्रालि, मल्टी–सिल्ट–अमित जेभी र आरआईएमसी–इटेको–सितारा जेभी रहेका छन् ।
सर्टलिष्टमा परेका कम्पनीहरूको आर्थिक प्रस्ताव साउन ३० गते (१४ अगष्ट) दिउँसो १ बजे खोलिने जनाइएको छ ।
छनोट हुने कम्पनीले उक्त प्रसारण लाइन निर्माणका लागि आवश्यक डिजाइन, टावर निर्माण गर्ने स्थानहरूको पहिचान, आयोजना निर्माणको कार्यतालिका, आयोजनाको प्रस्तुतीकरण तथा लागत अनुमान तयार गरेर बुझाउनुपर्ने छ ।
