एक दर्जन प्रसारण लाइन आयोजनाले दिए अध्ययन अनुमतिका लागि विभागमा आवेदन

काठमाडौं । चार महिनामा करिब एक दर्जन प्रसारण लाइन आयोजनाले अध्ययन अनुमतिका लागि विद्युत विकास विभागमा आवेदन दिएका छन् । विभागका अनुसार फागुनदेखि जेठसम्मको अवधिमा १० प्रसारण लाइन आयोजनाले अध्ययन अनुमतिका लागि आवेदन दिएका हुन् । 

अध्ययन अनुमतिका लागि आवेदन दिएका आयोजनाहरुमध्ये नेपाल विद्युत प्राधिकरण र निजी क्षेत्रकाे रहेकाे विवभागले जनाएकाे छ । अध्ययन अनुमतिका लागि आवेदन दिएका प्रसारण लाइन आयोजना २२० केभी, १३२ केभी र ३३ केभीका रहेका छन् । २२० केभी क्षमताका १, १३२ केभी क्षमताका ६ र ३३ केभी क्षमताका ४ प्रसराण लाइन आयोजनाले आवेदन दिएको तथ्यांकमा उल्लेख छ  ।

नेपाल विद्युत प्राधिकरणले निर्माण गर्न लागेकाे  २२० केभी क्षमताका लप्सीफेदी–कपन–गुम्बा–तिनपिप्ले प्रसारण लाइनले २०८० जेठ ९ गते अध्ययन अनुमतिका लागि आवेदन दिएको छ । 

१३२ केभी क्षमताको  भोटेकोसी–१, मेवा हाइड्रो, करुवा सेती, बलाजु–महाराजगञ्ज–राजदरबार, भक्तपुर–कटुँजे, टेकु–थापाथली र बफीकोट–कुङग्री प्रसारण लाइन आयोजनाले पनि अध्ययन अनुमतिका लागि आवेदन दिएका छन् । 

यसैगरी, ३३ केभी क्षमतका बलेफी–ए, पदम खोला र स्यार्पु एसपी प्रसारण लाइन आयोजनाले लागि आवेदन दिएको विभागले जनाकारी दिएको छ ।