ऊर्जा खबर
काठमाडौं । संखुवासभामा ४.७२ मेगावाटको माथिल्लो पिलुवा खोला–२ जलविद्युत आयोजना निर्माण गरिरहेको मेन्छियाम हाइड्रोे पावर लिमिटेडले बैशाख ४ गतेदेखि साधारण सेयर निष्कासन गर्ने भएको छ । कम्पनीले सर्वसाधारणका लागि छुट्याएको साढे ९ लाख कित्ता सेयर निष्कासन गर्न लागेको हो ।
कम्पनीको जारी पूँजी ५४ करोड २५ लाख ८३ हजार ३ सय रकमको ३० प्रतिशत अर्थात १६ करोड २७ लाख ७५ हजार रकम बराबरको सय रुपैयाँ अंकित १६ लाख २७ हजार ७ सय ५० कित्ता साधारण सेयर निष्कासन गर्न लागेको कम्पनीले जनाएको छ । जसमध्ये जारी पूँजीको १० प्रतिशत अर्थात सय रुपैयाँ अंकित ५ लाख ४२ हजार ५ सय ८३ कित्ता सेयर प्रभावित स्थानीयका लागि, जारी पूँजीको २० प्रतिशत अर्थात सय रुपैयाँ अंकित १० लाख ८५ हजार १ सय ६७ कित्ता मध्येको १ लाख ८ हजार ५ सय १७ कित्ता सेयर बैदेशिक रोजगारीमा गएका नेपाली नागरिकका लागि बाँडफाँड गरेपश्चात २ प्रतिशत हुन आउने अर्थात २२ हजार ३ सय ३९ कित्ता सेयर कर्मचारीका लागि छुट्याएको र ५ प्रतिशतश हुन आउने अर्थात ५६ हजार ९९ कित्ता सेयर सामूहिक लागनी कोषका लाग सुरक्षित गरिएको छ ।
बाँकी, ९ लाख ३४ हजार ९ सय १५ कित्ता सेयर सर्वसाधारणका लागि निष्कासन गर्ने तयारी गरिएको हो ।
सर्वसाधारणले न्यूनतम १० कित्ता देखि अधिकतम १० हजार कित्ता सम्म आवेदन दिन पाउनेछन् । आवेदकले छिटोमा बैशाख ७ गतेसम्म र ढिलोमा १९ गतेसम्म आवेदन दिन पाउनेछन् ।
कम्पनीको सेयर निष्कासन गरी बाँडफाँड गर्न एन आई सी एशिया क्यापिटल लिमिटेडलाई बिक्री प्रबन्धक तोकिएको छ । कम्पनीले संखुवासभामा ४.७२ मेगावाटको माथिल्लो पिलुवा खोला–२ जलविद्युत आयोजना निर्माण गरिरहेको छ ।
