ऊर्जा खबर
काठमाडौं । रामेछापमा ५२.४ मेगावाको लिखु–४ जलविद्युत आयोजना निर्माण गरी सञ्चालनमा ल्याएको ग्रीन भेन्चर्स लिमिटेडले तीन महिनामा १९ करोड रुपैयाँ खुद नाफा कमाएकाे छ । कम्पनीले सार्वजानिक गरेको आर्थिक वर्ष २०७९/८० को वित्तीय विवरण अनुसार सो नाफा आर्जन गरेको देखिएको हो ।
गत वर्ष घाटामा रहेको कम्पनीले आर्थिक वर्ष २०७९/८० को पहिलो आवमा १९ करोड ४५ लाख ८९ हजार ८ सय ९१ रुपैयाँ नाफा कमाएको कम्पनीले जनाएको छ । कम्पनीका अनुसार गत वर्ष यही समयअवधिमा ५३ लाख ७१ हजार ७ सय ८२ रुपैयाँले घाटामा थियो ।
कम्पनीले यो अवधिमा लिखु–४ जलविद्युत केन्द्रको विद्युत बिक्री गरी ५२ करोड ५ लाख १७ हजार ३ सय ५ रुपैयाँ आम्दानी गरेको छ । रामेछापमा सञ्चालनमा रहेको लिखु–४ जलविद्युत आयोजनानले २०७८ कात्तिक २१ गतेदेखि उत्पादन सुरु गरेको हो ।
