ऊर्जा खबर
काठमाडौं । सानिमा माई हाइड्रो पावर कम्पनीले सेयधनीलाई ५.२६३२ प्रतिशतले लाभांश दिने भएकाे छ । कम्पनीको हिजो (२० गते सोमबार) बसेको सञ्चालक समितिको बैठकले सेयरधनीलाई चुक्ता पूँजीकाे ५.२६३२ प्रतिशतले लाभांश दिने निर्णय गरेकाे हाे ।
चुक्ता पूँजीको ५.२६३२ प्रतिशतले हुन आउने १६ करोड २५ लाख ९२ हजार १ सय ५८ रुपैयाँ बराबरको नगद लाभांश दिने निर्णय गरेकाे कम्पनीले जनाएकाे छ । कम्पनीका अनुसार लाभांश वितरणका लागि कम्पनीकाे आगामी कात्तिक २ गते हुने साधारणसभामा प्रस्ताव गरिनेछ । सभाले पारित गरेपछि सेयरधनी सदस्यमा लाभांश वितरण गरिनेछ ।
कम्पनीकाे याे वर्षकाे लाभांश अघिल्लाे वर्षकाे तुलनामा घटेकाे छ । कम्पनीले आर्थिक वर्ष २०७७/७८ का लागि १० प्रतिशन बोनस सेयरसहित कुल १०.५२६३ प्रतिशत लाभांश बाँडेको थियो।
कम्पनीको इलाममा निर्माण सम्पन्न २२ मेगावाटको माई खोला र ७ मेगावाटको माई क्यासकेड जलविद्युत अयोजना सञ्चालनमा छ ।
