ऊर्जा खबर
काठमाडौं । कुथेली बुखरी स्मल हाइड्रो पावर लिमिटेडको १ लाख कित्ता सेयर आवेदन खुल्ला भएको छ । कम्पनीले प्रभावित स्थानीय र वैदेशिक रोजागारीमा गएका नेपाली नागरिकका लागि छुट्याएको सेयर आवेदन खुल्ला गरेको हो ।
जारी पूँजी १२ करोड १८ लाख ६७ हजारको १० प्रतिशत अर्थात १ करोड २१ लाख ८६ हजार ८ सय रकम बराबरको सय रुपैयाँ अंकित १ लाख २१ हजार ८ सय ६८ कित्ता सेयर प्रभावित स्थानीयका लागि निष्कासन गरेको कम्पनीले जनाएको छ । कम्पनीका अनुसार आयोजना प्रभावित दोलखा जिल्लाको कालिन्चोक गाउँपालिका वडा नम्बर ९ (साविकको सद्रवती गाविसका सम्पूर्ण वडाहरु तथा भिश्वेर नगरपालिका वडा नम्बर १ (साविकको सुष्पा क्षमतावती गाविसका सम्पूर्ण वडाका स्थानीय बासिन्दाका लागि निष्कासन गरिएको छ ।
यसैगरी, सर्वसाधारमा निष्कासन हुने जारी पूँजीको १० प्रतिशत अर्थात १ करोड २१ लाख ८६ हजार ७ रकम बराबरको सय रुपैयाँ अंकित १ लाख २१ हजार ८ सय ६७ कित्ता सेयरमध्येको १० प्रतिशत अर्थात १२ हजार १ सय ८६ कित्ता वैदेशिक रोजगारीमा गएका नेपाली नागरिकका लागि निष्कासन गरेको कम्पनीले जानकारी दिएको छ ।
स्थानीय र वैदेशिक रोजागरीमा गएका नेपाली नागरिकले न्यूनतम १० कित्ता देखि १० हजार कित्ता सम्म आवेदन दिन सकिनेछ । स्थानीयले छिटोमा असार १ गतेसम्म र ढिलोमा १७ गते आवेदन दिन पाउनेछन भने वैदेशिक रोजागारीमा गएका नेपाल नागरिककले असार १ गतेसम्म मात्र आवेदन दिन पाउनेछन ।
कम्पनीले पहिलो चरणमा प्रभावित स्थानीय र वैदेशिक रोजगारीमा गएका नेपाली नागरिकका लागि निष्कासन तथा बाँडफाँड गरी दोस्रो चरणमा सर्वसाधरणका लागि निष्कासन गरिनेछ ।
कम्पनीको सेयर निष्कासन गरी बाँडफाँड गर्न एनएमबी क्यापिटल लिमिटेडलाई बिक्री प्रबन्धक चयन गरेको छ । कम्पनीको दोलखा जिल्लाको भिमेश्वर शगाउँपालिकमा ९९८ किलोवाट क्षमताको सुस्पा बुखरी साना जलविद्युत आयोजना सञ्चालनमा छन् ।
