ऊर्जा खबर
काठमाडौं । नेपालले अब भारतीय बजारमा ३६४ मेगावाटसम्म विद्युत बेच्न पाउने भएको छ । प्रधानमन्त्री शेरबहादुर देउवाको हालै भएको भारतको औपचारिक भ्रमणका क्रममा उक्त सहमति भएको हो ।
भारतीय विद्युत मन्त्रालयको केन्द्रीय विद्युत प्राधिकरणले नेपाल विद्युत प्राधिकरणलाई थप ३२५ मेगावाट विद्युत निर्यात गर्न अनुमति दिएकाे छ । यसअघि २०७८ कात्तिकमा ३९ मेगावाट विद्युत भारतीय ऊर्जा एक्सचेञ्चमा (आइएक्स) मा बिक्री गर्न अनुमति दिएको थियो ।
प्रधानमन्त्री देउवाकाे भारत भ्रमणका क्रममा भएकाे द्विपक्षीय वार्तामा ‘नेपाल–भारत संयुक्त भिजन स्टेटमेन्ट अन पावर सेक्टर कर्पोरेसन’ कार्यान्वनको चरणमा प्रवेश गरेको उर्जा जलस्राे तथा सिँचाइ मन्त्रालयले जानकारी दिएकाे छ । यसबाट वर्षायाममा उत्पादित विद्युत मुलुकभित्र खपत गरी अतिरिक्त परिमाण निर्यात गर्न सकिने र देशकाे व्यापार घाटामा कमी आई अर्थतन्त्रमा सकारात्मक योगदान पुग्ने मन्त्रालयकाे भनाइ छ ।
