ग्रीन फाइनान्सिङलाई डिजिटलाइज गर्न नबिल बैंक र अलोइबीच सम्झौता

काठमाडौं । नबिल बैंक लिमिटेड र अलोइ प्राइभेट लिमिटेडबीच सम्झौता भएको छ । ग्रीन फाइनान्सिङलाई डिजिटलाइज गर्न यी दुई कम्पनी बीच सम्झौता भएको हो । 

सम्झौता पत्रमा अलोइको डिजिटल लोन र रिपेमेन्ट ट्र्याकिङ प्रणालीलाई प्रयोग गरी विद्युतीय व्यावसायिक सवारी साधनहरूलाई डिजिटल ऋण दिने सेवाहरूको प्रभावकारी रूपमा अन्वेषण, मूल्याङ्कन र सहकार्य गर्ने बैंकले जनाएको छ । 

नबिल बैंक लिमिटेडको तर्फबाट वरिष्ठ नायव प्रमुख कार्यकारी अधिकृत सुजित कुमार शाक्य र अलोई प्राइभेट लिमिटेडको सहसंस्थापक सोनिका मानन्धरले सम्झौता पत्रमा हस्ताक्षर गरेका छन् । 

दिगो वित्तपोषणका रुपमा कमर्सियल इलेक्ट्रिक भेइकललाई सहजरुपमा ऋण प्रवाह गर्न यस प्रणालीले मद्दत पुग्ने वरिष्ठ सीईओ सुजित कुमार शाक्यले बताए । शाक्यका अनुसार दिगो बैंकिङकोे रूपमा व्यवसायिक विद्युतीय सवारी साधन खरिद गर्न चाहने उद्यमीहरूलाई आकर्षक मूल्य र सजिलो प्रक्रियामा ऋण लिन प्रोत्साहित गर्दै आएकोे छ ।