ऊर्जा खबर
काठमाडौं । कालिका पावर लिमिटेडले बोनस सेयर र नगद लाभांश प्रस्ताव पारित गर्न साधारण सभा आह्वान गरेको छ । सञ्चालक समितिको पुस ६ गते बसेको बैठकले आफ्ना सेयरधनी सदस्यलाई बोनस सेयर र नगद लाभांश प्रस्ताव पारित गर्न आगामी (पुस) २९ गते को लागि साधारण सभा बोलाएको हो ।
कम्पनीका अनुसार सभाले आर्थिक वर्ष २०७८/७९ को संचित मुनाफाबाट हाल कायम चुक्ता पुँजी ६९ करोड रुपैयाँकाे १५ प्रतिशतका दरले हुन आउने अर्थात १० करोड ३५ लाख रुपैयाँ बोनस सेयर वितरण गर्न प्रस्ताव पारित गर्नेछ । साथै, प्रस्तावित ०.७८९५ प्रतिशतले हुन आउने अर्थात ५४ लाख ४७ हजार ५ सय ५० रुपैयाँ नगद लाभांश पनि पारित हुनेछ ।
सभामा वार्षिक प्रतिवेदन, वित्तीय विवरण, नाफा/नोक्सान हिसाब नगद प्रवाह लगायत विषयमा छलफल गरि पारित गरिनेछ । आर्थिक वर्ष २०७९/८० को लागि लेखापरीक्षक नियुक्त गरि परिश्रमिक समेत निर्धारण गर्ने जनाएको छ ।
कम्पनीले आयोजना गरेको साधारण सभा पुस २९ गते (शुक्रबार) कम्पनीको रजिस्र्टड कार्यलयमा तरतपुरमा बिहान ११ बजेबाट सुरु हुने कम्पनीले जनाएको छ ।
.jpg)
