ऊर्जा खबर
.jpg)
काठमाडौं । सयपत्री हाइड्रो पावर लिमिटेडकाे सेयर आवेदन दिने मंगलबार (भोली) अन्तिम दिन रहेकाे छ । कम्पनीले सर्वसाधारणका लागि छुट्याएको साधारण सेयर आवेदन अवधि सकिन लागेको हो ।
आयोजना प्रभावित स्थानीयमा बिक्री नभएको १ लाख २१ हजार ६० कित्तासमेत थप गरी कुल ७ लाख २१ हजार ६० लाख कित्ता सेयर निष्कासन गरिएको कम्पनीले जनाएको छ । कम्पनीका अनुसार निष्कासन सेयरमध्ये ५ प्रतिशत हुन आउने अर्थात ३६ हजार ५३ कित्ता सेयर सामूहिक लगानी कोषका लागि र ३ प्रतिशत हुन आउने अर्थात १४ हजार ४ सय २१ कित्ता सेयर कम्पनीको कर्मचारीका लागि छुट्याइएको छ ।
बाँकी, ६ लाख ७० हजार ५ सय ८६ कित्ता सर्वसाधारणका लागि आवेदन खुल्ला गरिएको छ । सर्वसाधारणले न्यूनतम १० कित्तादेखि अधिकतम ३० हजार कित्ता सम्म आवेदन दिन सक्नेछ ।
कम्पनीको सेयर निष्कासन गरी बाँडफाँड गर्न एनआईबिएल क्यापिटललाई बिक्री प्रबन्धक तोकिएको छ । कम्पनीको बाग्लुङ जिल्लाको दरम खोलामा रहेको २.५ मेगावाटको दरम खोला–ए जलविद्युत केन्द्रले २०७३ असार १२ गतेबाट निरन्तर विद्युत उत्पादन गरिरहेको छ । आयोजनाका कुल लागत ५३ करोड ४५ लाख रहेको छ भने प्रतिमेगावाट लागत खर्च २१ करोड ३८ लाख खर्च भएको छ ।
