ऊर्जा खबर
काठमाडौँ । झापा इनर्जी लिमिटेडले आज (भदौ २० गते शुक्रबार) देखि सर्वसाधारणका लागि प्राथमिक सेयर (आइपिओ) को बिक्री खुला गरेको छ । कम्पनीले सर्वसाधारणका लागि ४ करोड ७३ लाख ३३ हजार ६०० रुपैयाँ बराबर प्रतिकित्ता १०० रुपैयाँ अंकित दरका ४ लाख ७३ हजार ३ सय ३६ कित्ता आइपिओ निष्काशन गरेको हो ।
आइपिओका लािग कम्तिमा १० कित्ता र बढीमा ५ हजार कित्तासम्मका लागि आवेदन दिन सकिने छ । कम्पनीको आइपिओमा आवेदन दिने अन्तिम म्याद भदौ २४ गतेसम्म रहेको छ । कम्पनीको सेयर निष्काशन तथा बिक्री प्रबन्धकमा हिमालयन क्यापिटल रहेको छ ।
कम्पनीले यसअघि आयोजना प्रभावित स्थानीय र वैदेशिक रोजगारीमा रहेका नेपालीलाई आइपिओ बाँडफाँट गरिसकेको छ । कम्पनीले झापामा १० मेगावाट क्षमताको सोलार आयोजना निर्माण गरी २०८० माघ १० गतेदेखि विद्युत् उत्पादन गरिरहेको छ ।
.jpg)