ऊर्जा खबर
काठमाडौँ । सिन्धुपाल्चोकको भोटेकोशी गाउँपालिका–४ मा रहेको निर्माणाधीन ४० मेगावाटको भोटेकोशी जलविद्युत् आयोजनाको ढलान खस्दा दुई कामदार पुरिएका छन् । घटनामा अन्य १० जना घाइते भएका छन् ।
जिल्ला प्रहरी कार्यालय, सिन्धुपाल्चोकका एसपी सन्तोष खड्काका अनुसार, डिस्यान्डर बेसिनकाे ढलान एक्कासी खस्दा १० जना घाइते भएका हुन् । दुई जनालाई निकाल्ने प्रयास भइरहेको छ ।
घाइते १० जनाको बाह्रबिशेस्थित प्राथमिक अस्पतालमा उपचार भइरहेको छ । गम्भीर अवस्था भएकाहरूलाई धुलिखेल वा काठमाडौँ पठाउने तयारी भइरहेको प्रहरीले जनाएको छ ।
आयोजना इलेक्ट्रो पावर कम्पनी लिमिटेडले निर्माण गरिरहेको हो ।
