ऊर्जा खबर
काठमाडौं । नेपाल विद्युत प्राधिकरणले प्राधिकरणको पोलमा दुरसञ्चार, केवल टीभी तथा इन्टरनेट सेवा प्रदायकहरूबाट तानिएको केबल तथा उपकरणहरू व्यवस्थापनको काम प्रभावकारी नभएको भन्दै असन्तुष्टि व्यक्त गरेको छ । प्राधिकरणले एक सूचना जारी गर्दै अव्यवस्थित तारहरू हटाउने ४५ दिने सूचनालाई सेवा प्रदायकहरूले बेवास्ता गरेको भन्दै असन्तुष्टि व्यक्त गरेको हो ।
गत कात्तिक १५ गतेको सूचना अनुसार तार व्यवस्थापनको काम प्रभावकारी हुन नसकेको प्राधिकरणको भनाइ छ । प्राधिकरणको पोल प्रयोग गरी अव्यवस्थित तरिकाले टाँगिएका र प्रयोगमा नरहेका अनावश्यक अप्टिकल फाइबर केबल/कोएक्सियल केबल तथा पोलमा जथाभावी झुन्ड्याइएको उपकरणहरू ४५ दिनभित्र हटाउन निर्देशन दिएको थियो ।
निर्देशक बमोजिम काम नभएको भन्दै प्राधिकरणले मंसिरभित्र तार तथा उपकरण व्यवस्थापन गर्न अनुरोध गरेको छ । निर्धारित समयावधिभित्र उक्त कार्य सम्पन्न गर्न सम्बन्धित सेवा प्रदायक संस्थालाई प्राधिकरणले निर्देशन दिएको छ ।
निर्धारित समयभित्र सम्पन्न नभए आफैले हटाउने र यसबाट हुनसक्ने नोक्सानीको लागि सेवा प्रदायक स्वयम जिम्मेवारी हुने प्राधिकरणले सूचनामा छ ।
