ऊर्जा खबर
काठमाडौं । पिपुल्स हाइड्रो पावर कम्पनी लिमिटेडले कात्तिक २५ गतेदेखि ५६ लाख कित्ता सेयर निष्कासन गर्ने भएको छ । कम्पनीले सर्वसाधरणका लागि छुट्याएको साधारण सेयर निष्कासन गर्न लागेको हो ।
सय रुपैयाँ अंकित ५६ लाख ६ हजार ३ सय ९० कित्ता सेयर निष्कासन गर्न लागेको कम्पनीले जनाएको छ । कम्पनीका अनुसार आयोजना प्रभावित क्षेत्रका बासिन्दाका लागि छुट्याएको सेयर बाँडफाँड गरी बिक्री हुन बाँकी रहेको ८ लाख ६ हजार ३ सय ९० कित्ता सेयर मध्ये कुल निष्कासनको ३ प्रतिशत हुन आउने अर्थात १ लाख ६८ हजार १ सय ९० कित्ता कम्पनीका कर्मचारीलाई सुरक्षित गरिएको र ५ प्रतिशत हुन आउने अर्थात २ लाख ८० हजार ३ सय २० कित्ता सेयर सामुहिक लगानी कोषका लागि बाँडफाँड गरिएको छ ।
बाँकी रहेको ५१ लाख ५७ हजार ८ सय ८० कित्ता सेयर सर्वसाधारणका लागि निष्कासन गरिनेछ । सर्वसाधरणले न्यूनतम १० कित्तादेखि अधित्तम १ लाख कित्तासम्म आवेदन दिन पाउनेछन् ।
सर्वसाधरणले छिटोमा कात्तिक २९ गतेसम्म र ढिलोमा मंसिर ९ गत्ते सम्म आवेदन दिन सक्नेछन् । कम्पनीको सेयर निष्कासन गरी बाँडफाँड गर्न सानिमा क्यापिटल लिमिटेडलाई बिक्री प्रबन्धक तोेकिएको छ ।
कम्पनीकाे लमजुङमा ५४ मेगावाटको सुपर दोर्दी ‘ख’ जलविद्युत आयोजना निमाधीन छन् । कम्पनीले निर्माण आवधिको ब्याज सहित प्रति मेगावाट लागत १९ करोड २४ लाख ७ हजार ४ सय ७ रुपैयाँ तथा कुल लागत १० अर्ब ३९ करोड अनुमान गरिएको छ ।
