ऊर्जा खबर
काठमाडौँ । नेपाल विद्युत् प्राधिकरणले ११ केभी वितरण लाइनबाट चितवनको देवघाटमा बिजुली पुर्याउन बडो कष्टका साथ त्रिशूली नदी पार गराएको छ । ११ केभी लाइनको ३ वटा तारमध्ये एउटा तार हिजो (असोज १६ गते) नदी पार गराइएको हो ।
प्राधिकरणका अनुसार चितवनको जुगेडीबाट देवघाट ५ बुद्धचोकमा बिजुली पुर्याउन तीनमध्ये एउटा तार तानिएको र बाँकी काम आज अगाडि बढ्नेछ । त्यस्तै, मौवा खोला नजिकै ठेउवाटारमा एउटा डोरी त्रिशुली नदी क्रस गराउन सफल भएको र तार तान्ने काम आज गरिने पनि जनाइएको छ ।
सत्र किलोबाट बगन्ती तनहुँ जाने लाइनसमेत त्रिशूली नदी तार्न बाँकी रहेको प्राधिकरण भरतपुर वितरण केन्द्रले जानकारी दिएको छ । यी तीन वटै स्थानको ११ केभी लाइन गत असोज १२ गते त्रिशूली नदीको बाढीले बगाउँदा केही गाउहरू बिजुली सेवा उपभोग गर्नबाट बञ्चित भएका छन् ।
.jpg)
