ऊर्जा खबर
काठमाडौं । नेपाल वातावरण पत्रकार समूह (नेफेज) सँग लामो समयदेखि आवद्ध रहँदै आएका वातावरण इन्जिनियर अर्थात् प्राध्यापक सूर्यमान शाक्यको निधन भएको छ । विगत डेढ वर्षदेखि क्यान्सरले थलिएका शाक्यको आइतबार (बैशाख १९ गते) बिहान १०.४५ बजे ललितपुरको मेडिसिटी अस्पतालमा निधन भएको हो ।
समूहमा विज्ञ सदस्यका रूपमा शाक्य धेरै वर्षदेखि सक्रिय रहँदै आएका थिए । समूहको कार्य समितिमा समेत रहेर उनले वातावरण र विकासबारे हुने कार्यक्रममा आफ्नो विषयगत विज्ञता अनुसार योगदान पुर्याउँदै आएको नेफेजले जनाएको छ । इन्जिनियर शाक्यले वातावरण संरक्षण परिषद्मा समेत सदस्य सचिव रहेर काम गरेका थिए भने लामो समयदेखि काठमाडौँ विश्वविद्यालयमा प्राध्यापन गर्दै आएका थिए ।
