विद्युत आपूर्त : प्राधिकरण :५७८० मे.वा.घन्टा / निजी क्षेत्र :६१९७ मे.वा.घन्टा / आयात : ११२४० मे.वा.घन्टा / ट्रिपिङ : मे.वा.घन्टा / ऊर्जा माग :२३२१७ मे.वा.घन्टा/ उच्च माग :१३३५ मेगावाट
×

वितरण लाइन मर्मत गर्न धर्मस्थली फिडरको सेवा बन्द गरिने

२०७७ पुस २९

काठमाडौं । धर्मस्थली फिडरको विद्युत सेवा बन्द हुने भएको छ । नेपाल विद्युत प्राधिकरण बालाजु वितरण केन्द्रले लाइन मर्मत गर्नका लागि सेवा बन्द गर्न लागेको हो ।

बुधबार (आज) दिउँसो १ बजेदेखि सेवा बन्द गरेर लाइन मर्मतको काम सुरु गर्ने केन्द्रले जनाएको छ । केन्द्रका अनुसार सेवा बन्द गरेर बाईपास चोकमा रहेको एच.टी (११००० भोल्ट) लाइनको भुमिगत तार मर्मत गरिनेछ ।

सेवा बन्द हुँदा फुटुङ, मनमैजु, नेपालटार, लामबगर, डाँडागाँउ, जरंकु, पदमशाला, ढकालटार, बसन्तपुर कोलोनी, काभ्रेस्थली, भेडीगोड, साङंला, पुसललगायतका क्षेत्र प्रभावित हुनेछ । अवरुद्व सेवा ३ बजेबाट सुचारु हुनेछ ।

कुपन्डोल फिडरको पनि विद्युत सेवा बन्द हुने

प्राधिकरण पुल्चोक वितरण केन्द्रले पनि कुपनडोल फिडरको विद्युत सेवा बन्द गर्ने भएको छ । महापाल, पाटन दरबार, बंलामुखी क्षेत्रमा मेलम्ची खानेपानीले पाइप जोडने कार्य गर्ने भएकोले सेवा बन्द गर्न लागिएको हो ।

विद्युत लाइन २९ गते ९बुधबार० र माघ १ गते ९बिहीबार० राती ९ः३० देखि बन्द गरेर पाइप जडानको काम गर्ने केन्द्रले जनाएको छ । केन्द्रका अनुसार अवरुद्व सेवा दैनिक बिहान ६ बजेबाट सुचारु हुनेछ ।

सेवा बन्द हुँदा महापाल, इटी, पाटन दरबार, बंलामुखी, शंखमुल, पाटनढोका, मंगलबजार, छबाललगायतका यी फिडरबाट वितरण हुने क्षेत्र प्रभावित हुनेछ । तोकिएको समयअगावै  कार्य सम्पन्न भएमा सो समयभन्दा अगावै सेवा सुचारु गर्ने केन्द्रले जनाएको छ ।

प्रतिक्रिया