ऊर्जा खबर
काठमाडाैं । नेपाल कम्युनिष्ट पार्टी एमालले ५० युनिटसम्म बिजुली निःशुल्क दिने प्रतिबद्धता सहित आगामी निर्वाचनका लागि पार्टीको घोषणापत्र सार्वजनिक गरेको छ । एमालेले मंगलबार चुनावी घोषणापत्र सार्वजनिक गर्दै वर्षायाममा मासिक ५० युनिट र हिउँदयाममा मासिक ३० युनिट विद्युत निःशुल्क विद्युत उपलब्ध गराउने घोषणा गरेको हो ।
‘सबैलाई बिजुली बत्ती, विद्युतबाटै देशको उन्नति’ भन्ने मूल नाराका साथ दुई वर्षमा विद्युतमा पहुँच पुग्ने जनसंख्या शतप्रतिशत पुर्याइने जनाएकाे छ। घोषणापत्रमा ५ वर्षमा विद्युत उत्पादन क्षमता ६५०० मेगावाट र प्रतिव्यक्ति विद्युत खपत ७०० किलोवाट प्रतिघण्टा पुर्याइने उल्लेख छ।
देशको जलस्रोतको लाभ सबै नागरिकमा पुर्याउन आकर्षक जलविद्युत परियोजनामा जनता, सहकारी संस्था र सरकारको सयुक्त लगानी प्रवद्र्धन गरिने घोषणापत्रमा उल्लेख छ ।
यस्तै, आगामी ५ वर्षमा सबै निर्माणाधीन प्रसारण लाइन निर्माण सम्पन्न गर्ने घोषणा गरेको छ । निर्माणाधीन नेपाल विद्युत प्राधिकरणका सहायक कम्पनीहरूका ६४६ मेगावाट, निजी क्षेत्रको २७७६ मेगावाट, स्वदेशी निजी क्षेत्रबाट प्रस्तावित १४९४ र आगामी दश वर्षमा निर्माण गर्न सकिने ठूला आयोजनाहरू ९८६१ मेगावाटका आयोजनाको कार्यान्वयन तीव्र गतिमा अगाडि बढाउने प्रतिबद्धता जनाएको छ । आगामी १० वर्षमा विद्युत जडित क्षमता १५ हजार मेगावाट पुर्याउने लक्ष्य राखेको छ ।
