ऊर्जा खबर
काठमाडौं । रुकुम पश्चिम र रुकुम पुर्वी क्षेत्रकाे विद्युत सेवा आज (बिहीबार) दिनभरीका लागि बन्द भएको छ । पश्चिम रुकुमकाे त्रिवेणि गाउँपालिकाकाे झुल्नेटा नजिकैकाे ३३ केभी लाइनमा क्षति पुग्दा सेवा आपुर्ति बन्द भएकाे हाे ।
लाइन मर्मत सेवा सुरू गर्न दिनभरी लाग्ने देखिएकाे नेपाल विद्युत प्राधिकरण, रुकुम पश्चिम वितरण केन्द्रले जनाएकाे छ । केन्द्रका अनुसार रुकुम पश्चिम र रुकुम पुर्वी क्षेत्रकाे अधिकांश क्षेत्रमा यही लाइन मार्फत सेवा प्रवाह भइरहेकाे थियाे ।
सेवा बन्द भएकाे केही स्थानमा जाजरकाेटकाे कुदु सबस्टेसनबाट सेवा दिइरहेकाे पनि केन्द्रले जनाएकाे छ । प्रतिकुल मौसम र जटिल भूगोलका कारण मर्मत कार्यका लागि आज दिनभर लाग्न सक्ने केन्द्रले जानकारी दिएको छ । तोकिएको समय अगावै काम पूरा भए निर्धारित तालिका अगावै सेवा सुरु गर्ने पनि केन्द्रले जानकारी दिएको छ ।
.jpg)
