ऊर्जा खबर
काठमाडौँ । नेपाल आयल निगमले डिजेल र मट्टीतेलको मूल्य घटाएकाे छ भने हवाई इन्धनको बढाएकाे छ । निगम सञ्चालक समितिको मंगलबार बसेको बैठकले बुधबारदेखि लागू हुने गरी डिजेल र मट्टितेलको मूल्य प्रतिलिटर दुई रुपैयाँले घटाएको हो । याे समायाेजनसँगै अब डिजेल र मट्टीतेलको मूल्य प्रतिलिटर १ सय ५६ रूपैयाँ पुगेकाे छ ।
निगमले (आइओसी) बाट प्राप्त नयाँ खरिद मूल्यअनुसार पेट्रोल र डिजेलको मूल्यामा प्रतिलिटर क्रमश ०.०२ र २.४५ रूपैयाँले घटेको नियमले जानकारी दिएको छ ।
त्यस्तै, हवाई इन्धन आन्तरिकतर्फ प्रतिलिटर १ रूपैयाँ र अन्तर्राष्ट्रयतर्फ प्रतिकिलोलिटर ७ डलरले बढेको छ । हवाई इन्धन (आन्तरिक) को मूल्य प्रतिलिटर १ सय ३७ रूपैयाँ र अन्तराष्ट्रियको मूल्य प्रतिलिटर अमेरिकी डलर १.०४२ पुगेको छ ।
खाना पकाउने एलपी ग्यास र पेट्रोलको मूल्य भने पूरानै राखिएको निगमले जनाएकाे छ ।
