ऊर्जा खबर
काठमाडौँ । राष्ट्रिय प्रसारण ग्रिड कम्पनी लिमिटेड (आरपीजीसीएल) को प्रमुख कार्यकारी अधिकृत (सिइओ) पदमा इन्जिनियर सागर श्रेष्ठ नियुक्त भएका छन् । कम्पनीले आह्वान गरेको विज्ञापनबाट संक्षिप्त छनोट सूचीमा परेका ७ उम्मेद्वार मध्येबाट काभ्रेपलान्चोकका श्रेष्ठ सोमबार सिइओ नियुक्त भएका हुन् ।
सरकारले ४ वर्षे कार्यकालका लागि उनलाई सिइओ नियुक्त गरेको हो । सिइओका रूपमा आरपिजिसिएललाई अघि बढाउन भावि कार्ययोजना तथा नितीको प्रस्तुती र अन्तर्वाताबाट श्रेष्ठलाई सिइओमा छनोट गरी नियुक्ती दिइएको हो ।
भारतको रुडकी विश्वविद्यालयबाट इन्जिनियरिङमा स्नातकोत्तर गरेका उनी अनुभवी इन्जियिर हुन् । नेपाल इन्जिनियरिङ परिषद्को सञ्चालक समिति सदस्यसमेत रहेका श्रेष्ठले नेपालको दिगो विद्युत् प्रसारण पूर्वाधार विकास गर्ने कम्पनीको नेतृत्व गर्नुपर्ने जिम्मेवारी पाएका छन् ।
कम्पनीमा यसअघिका सिइओ डा. नेत्रप्रसाद ज्ञवालीको कार्यकार पूरा भई पदरिक्त भएपछि गत माघ २८ गते सिइओको पदपूर्तिका लागि विज्ञापन खोलिएको थियो ।
याे पनि पढ्नुहोस्
राष्ट्रिय प्रसारण ग्रिड कम्पनीका सिइओ ज्ञवालीको पदावधि सकियो, पदपूर्तिका लागि दरखास्त आह्वान
.jpg)