ऊर्जा खबर
काठमाडौँ । वित्तीय साक्षरता बढाउन गरिमा विकास बैंकले ‘ग्लोबल मनी विक’ मनाएको छ । बालबालिका र युवामा वित्तीय साक्षरता अभिवृद्धि गर्दै ज्ञान, सिपको विकास गर्ने उद्देश्यले सो मनी विक सप्ताह आयोजना गरिएको बैंकले जनाएको छ ।
सन् २०१२ देखि यो सप्ताहव्यापी रुपमा मनी विक विश्वभर मनाउने गरिएको छ । ‘ग्लोबल मनि विक’ को १२औँ शृङ्खलाका अवसरमा बैंकले मार्च १८ देखि २४ सम्म विभिन्न कार्यक्रम आयोजना गरी मनाएको हो।
‘पैसा बचाँऊ, भविष्य सुनिश्चित गरौँ’ भन्ने विश्व नारासहित मनाइएको यस सप्ताहअन्तर्गत बैंकले ७ वटा प्रदेशका स्कुल, कलेज, शैक्षिक संघसंस्था लगायतसँगको समन्वयमा कार्यक्रमहरू गरेको छ ।
बैंकका अनुसार विद्यायार्थीको तहअनुसार वित्तीय साक्षरता, वित्तीय अन्तरक्रिया, शैक्षिक सामग्री वितरण, वित्तीय चेतना प्रभातफेरी लगायतका १८ वटा कार्यक्रम सम्पन्न गरेका बैंकले जनाएको छ । कार्यक्रमबाट देशभरका १३ सयभन्दा बढी विद्यार्थी प्रत्यक्षरुपमा लाभान्वित भएका छन्।
बैंकले विभिन्न ठाँउका विद्यार्थीलाई शैक्षिक सामाग्रीसमेत वितरण गरेको छ ।
बैंकले उपत्यकाभित्र २२ सहित देशभर १२३ शाखा कार्यालय, १ एक्सटेन्सन काउण्टर र ५१ वटा ऐ.टि.एम मार्फत ग्राहकहरूलाई वित्तीय सेवा प्रदान गर्दै आएको छ ।
