ऊर्जा खबर
काठमाडौं । नेपाल विद्युत् प्राधिकरणले ट्रंक लाइन तथा डेडिकेटेड फिडरबाट विद्युत् उपयोग गरी बक्यौता महसुल नबुझाउने २३ उद्योगको लाइन काटेको छ । प्रधानमन्त्री पुष्पकमल दाहालको निर्देशन बमोजिम बक्यौता असुल गर्न उद्योगहरूको लाइन काटिएको हो ।
प्राधिकरणले हालसम्म २३ उद्योगको लाइन काटिसकेको छ । ट्रंक तथा डेडिकेटेड लाइनबाट विद्युत् उपभोग गरी महसुल भुक्तानी नगर्ने ६१ मध्ये २३ उद्योगको लाइन काटेको प्राधिकरणका प्रवक्ता सुरेशबहादुर भट्टाराईले बताए ।
प्राधिकरणको तथ्यांकअनुसार ६१ उद्योगले २२ अर्ब २४ करोड रुपैयाँ बक्यौता तिर्न बाँकी छ । लाइन काटिएका उद्योगहरूले प्राधिकरणलाई ५ करोड देखि १ अर्ब ९४ करोड रुपैयाँसम्म बक्यौता बुझाउन बाँकी रहेको जनाइएको छ ।
प्राधिकरणले अहिलेसम्म ३ लटमा लाइन काटेको छ । पहिलो चरणमा ४ उद्योगको लाइन काटेको प्राधिकरणले दोस्रो चरणमा ५ उद्योगको लाइन काटेको थियो । तेस्रो चरणमा भने एकैचोटी १४ उद्योगको लाइन काटेको प्राधिकरणले जनाएको छ ।
ट्रंक एण्ड डेडिकेटेड लाइन प्रयोग गरी बक्यौता नबुझाउने उद्योगको लाइन निरन्तर रूपका काट्दै जाने प्राधिकरणले जानकारी दिएको छ ।
लाइन काटिएका उद्याेगहरू
स्राेतः नेपाल विद्युत प्राधिकरण
