ऊर्जा खबर
काठमाडौँ । एनएमबि बैंक लिमिटेडले ‘प्रि–ओन्ड इभी’ (सेकेन्ड–ह्यान्ड इभी) कर्जा सुविधा सुरु गरेको छ । व्यक्तिगत तथा विभिन्न संघ–संस्थाहरूका लागि पुराना विद्युतीय सवारी साधन खरिद गर्न सहज बनाउने उद्देश्यले बैंकले यस्तो कर्जा सुविधा ल्याएको जनाएको छ ।
दिगो बैंकिङलाई प्राथमिकता दिँदै आएको बैंकको यस पहलले नेपालमा चारपाङ्ग्रे विद्युतीय सवारी साधनको पहुँचलाई सुलभ र किफायती बनाउने विश्वास लिएको जनाएको छ । बैंकका अनुसार सरल र छिटो प्रक्रियाबाट उपलब्ध गराइने यो कर्जा सुविधा, व्यक्तिगत तथा व्यावसायिक प्रयोजनका लागि उपलब्ध हुनेछ ।
इच्छुक ग्राहकहरूले देशभर रहेका एनएमबि बैंकका शाखाहरू वा डिजिटल माध्यमहरू मार्फत सजिलैसँग आवेदन दिन सक्ने बताइएको छ । बैंकले ग्राहकहरूको जीवनलाई सहज बनाउन र नेपालमा वातावरणीय दिगोपन प्रवद्र्धन गर्न सधैं नयाँ र प्रभावकारी वित्तीय सुविधाहरू ल्याउँदै आएकोे छ ।
एनएमबि बैंकले हाल देशभरी १९८ शाखाहरु, १७६ एटिएमहरू र एक्सटेन्सन काउन्टरहरू मार्फत उच्चस्तरीय सेवा प्रदान गर्दै आइरहेको छ ।
