ऊर्जा खबर
काठमाडौं । सरकारले राज्यको अभिभारा, एक घर एक धारा अभियान साकार पार्न प्रदेश तथा स्थानीय तहसँगको सहकार्यमा खानेपानी आयोजना सञ्चालन गर्ने जनाएको छ । अर्थ मन्त्री जनार्दन शर्माले आर्थिक वर्ष २०७९/८० बजेट प्रस्तुत गर्दै यस्तो बताएका हुन् ।
उक्त कार्यक्रम दलितहरुको बस्तीको घनत्व रहेको ठाउँमा उच्च प्राथमिकता दिइने भएको छ । मेलम्ची खानेपानी आयोजनाबाट काठमाडौंमा खानेपानी वितरण भइसकेको हुँदा मेलम्ची जलाधारको भौगोलिक अध्ययनको आधारमा मेलम्ची खानेपानीको भरपर्दो पानी पथान्तरण व्यवस्था मिलाइने भएको छ ।
याङ्ग्री र लार्के खोलाबाट मेलम्ची खानेपानीको व्यवस्था गरिने बजेटमा उल्लेख छ । दोस्रो चरणको काठमाडौं खानेपानी आयोजना अन्तर्गत चक्रपथ बाहिरका थप क्षेत्रमा खानेपानी वितरण गर्न पाइपलाइन बिछ्याउने कार्यका लागि १ अर्ब ९२ करोड रुपैयाँ विनियोजन गरिएको छ ।
मेलम्ची खानेपानी विकास समिति खारेज गरिएको छ । खानेपानीका क्षेत्रका लागि ३७ अर्ब ३५ कराेड विनियाेजन गरिएकाे छ ।
.jpg)
