ऊर्जा खबर
काठमाडौं । कास्कीको मादी खोलामा १२ मेगावाटको नामार्जुन मादी जलविद्युत आयोजना निर्माण गरी सञ्चालनमा ल्याएको हिमालयन हाइड्रो पावर लिमिटेड कम्पनीले बैशाख २५ गतेदेखि ९ लाख कित्ता साधारण सेयर निष्कासन गर्ने भएको छ । आयोजना प्रभावित स्थानीयका लागि छुट्ट्याइएको उक्त परिमाणको सेयर निष्कासन हुन लागेको हो ।
१ सय रुपैयाँ अंकित ८.२२ प्रतिशतले हुन आउने ९ कारोड रुपैयाँ बराबरको ९ लाख कित्ता साधारण सेयर निष्कासन गर्ने तयारी भइरहेको कम्पनीले जनाएको छ । कम्पनीका अनुसार आयोजना प्रभावित क्षेत्र मादी गाउँपालिका वडा नं. १ साविक पाँच गाविसका सम्पूर्ण वडाहरू, वडा नं. २ नामार्जुन गाविसका सम्पूर्ण वडाहरु, वडा नं. ३ र ४ का थुमाकोडाँडा गाविसका सम्पूर्ण वडाहरू र वडा नं. ६ र ७ का सिन्दुजुरे गाविसका सम्पूर्ण वडाबासीका लागि सेयेर निष्कासन गरिनेछ ।
कम्पनीको सेयर खरिदका लागि स्थानीयले छिटोमा जेठ ८ गतेसम्म र ढिलोमा जेठ २३ गतेसम्म आवेदन दिनुपर्नेछ । कम्पनीको सेयर निष्कासन तथा बाँडफाँड गर्न ग्लोबल आइएमई क्यापिटललाई ब्रिकी प्रबन्धक तोकिएको छ ।
पहिलो चरणमा आयोजना प्रभावित स्थानीयका लागि छुट्ट्याएको सेयर बाँडफाँड गरेपछि दोस्रो चरणमा सर्वसाधरणका लागि निष्कासन हुनेछ ।
.jpg)