ऊर्जा खबर
काठमाडौँ । दोलखा र मुगु जिल्लामा निर्माण हुने ६०० मेगावाट बराबरका ३ जलविद्युत् आयोजनाबाट उत्पादित विद्युत् प्रवाह गर्ने उद्देश्यसहित आज (माघ १५ गते) ती आयाेजनाका प्रवर्द्धक र राष्ट्रिय प्रसारण ग्रिड कम्पनी लिमिटेडबीच ‘कनेक्सन एग्रिमेन्ट’ हुन लागेको छ ।
नासा हाइड्रोपावर लिमिटेडले दोलखामा निर्माण गर्ने १६० मेगावाटको ल्याप्चे खोला, इलिभेन्ट इनर्जी प्रालिले मुगुमा निर्माण गर्ने ३०६ मेगावाटको माथिल्लो मुगु कर्णाली र एपोलो इनर्जी प्रालिले मुगुमै निर्माण गर्ने १३५ मेगावाटको नमलान खोलाबाट उत्पादित विद्युत् प्रवाह गर्ने उद्देश्यले उक्त सम्झौता गर्न लागिएको हो ।
ल्याप्चे खोलाको बिजुली ग्रिड कम्पनीले निर्माणका लागि प्रस्ताव गरेको २२० केभी लामाबगर सबस्टेसनमा जोड्नका लागि सम्झौता हुन लागेको छ । यस्तै, माथिल्लो मुगु कर्णालीबाट उत्पादित विद्युत् ग्रिड कम्पनीले निर्माण प्रस्ताव गरेको ४०० केभीको प्रसारण लाइन तथा हुम्ला हबमा र नमलान खोलाको विद्युत् २२० केभी प्रसारण लाइनमार्फत हुम्ला हब सबस्टेसनमै आवद्ध गर्ने गरी सम्झौता हुने भएको छ ।
ल्याप्चे खोला प्रसिद्ध उद्योगपति मोतीलाल दुगड तथा माथिल्लो मुगु कर्णाली र नमलान खोला अर्का उद्योगपति पवन गोल्यानको समूहले निर्माण अगाडि बढाइरहेको छ ।
.jpg)