ऊर्जा खबर
काठमाडौं । ईक्रा नेपाल लिमिटेडले एनएमबी बैंकको विगतको रेटिङ्गलाई स्तर वृद्धि (स्तरन्नोति) गरी ‘आइसिआरएएनपि–आइआर) ए’ रेटिङ्ग प्रदान गरेको छ । बैंकले पर्याप्त वित्तीय दायित्व पूरा गरेको र सुरक्षित तथा दिगो बैंकिङ गर्दै आएको हुँदा स्तरवृद्धिको रेटिङ प्रदान गरेको हो ।
विगतका वर्षमा विभिन्न संस्थाहरूसँग भएको प्राप्तिको सकारात्मक प्रभाव, बैंकको कर्जाको गुणस्तरमा भएको सुधार, बलियो शाखा सञ्जालको कारण देशव्यापी रूपमा बैंकका ग्राहकहरूको संख्यामा वृद्धि भएको कम्पनीले जानाएको छ । कम्पनीका अनुसार बैंकको बजारमा वृद्धि, पुँजीगत पर्याप्तता, कर्जा र तरलताको क्षेत्रमा देखिएको जोखिम व्यवस्थापन गर्नसक्ने क्षमता भएको छ ।
साना तथा मझौला कर्जामा भएको वृद्धि, बैंकको सकारात्मक विगत, असल स्वामित्व तथा कुशल र अनुभवि व्यवस्थापन समेतका आधारमा ईक्रा नेपालले बैंकलाई यस अघि प्रदान रेटिङ्गमा स्तर बृद्धि गर्दै ‘आइ.सी.आर.ए.एन.पि–आइ.आर) ए’ रेटिङ्ग प्रदान गरेको हो ।
कम्पनीका अनुसार कोभिड १९ को असरको कारणले देशको समग्र आर्थिक अवस्थामा प्रभाव परिरहेको समयमा समेत बैंकको परिसूचकमा उल्लेखित सुधारले गर्दा बृद्धि भएको हो ।
एनएमबि बैंक द फाइनान्सियल टाइम्स लन्डनको ‘द ब्यान्कर’ पत्रिकाबाट एसियाकै सर्वाेत्कृष्ट बैंकको उपाधी ‘बैंक अफ द ईयर एसिया २०२१’ अवार्डबाट सम्मानित भएको हो । बैंकले सन् २०१७, २०१८, २०२० र २०२१ मा पनि नेपालकैे उत्कृष्ट बैंकको सम्मान ‘बैंक अफ द इयर नेपाल’ प्राप्त गरेको छ ।
बैंकले हाल देशभरी २०१ शाखाहरु, १३८ एटीएमहरू, ११ एक्सटेन्सन काउन्टरहरू मार्फत उच्चस्तरीय बैंकिङ्ग सेवा प्रदान गर्दै आइरहेको छ । नेपालमा इक्रा नेपाल लिमिटेड भारतको सहायक कम्पनीको रुपमा दर्ता भएको छ । यो कम्पनी नेपालको धितोपत्र बोर्डमा स्वीकृत भएको पहिलो रेटिङ्ग एजेन्सी हो ।
