ऊर्जा खबर
.jpeg)
काठमाडौं । सुर्खेत जिल्लाको बराहताल गाउँपालिका वडा नं. २, रानीघाटमा नबिल बैंकको नयाँशाखा सञ्चालनमा आएको छ । कार्यक्रमका बराहताल गाउँपालिकाका अध्यक्ष भिम बहादुर भण्डारी तथा नबिल बैंकका प्रमुख कार्यकारी अधिकृत सुजित कुमार शाक्यले संयुक्त रुपमा शाखारहित बैंकिङ सेवाका प्रतिनिधि मनोज कुमार थापालाई बिएलबि मेसिन र प्रमाण पत्र हस्तान्तरण गरी शाखारहित बैंकिङ सेवाको सुरुवात गरेको हो ।
कार्यक्रममा भण्डारीले कुनै पनि क्षेत्रको विकासको लागि वित्तीय पहुँच मुख्य आधारशिला भएको र यसका लागि गाउँपालिका बैंकसँग हरकदम हातेमालो गर्ने बताए ।
नबिल बैंकको शाखारहित बैंकिङ सेवा मार्फत् खाता खोल्न अनुरोध
गर्न, खातामा नगद जम्मा तथा भुक्तानी गर्न, रकमान्तर गर्न, ग्राहकको खातामा रहेको रकमको सोधपुछ साथै कारोबारको संक्षिप्त विवरण हेर्न, विप्रेषण भुक्तानी गर्न, कर्जा रकम भुक्तानी गर्न तथा किस्ता रकम जम्मा गर्नका साथै विभिन्न सेवाहरुको भुक्तानी गर्न सकिनेछ ।
दिगो बैंकिङ कार्यक्रम अन्तर्गत देशका विभिन्न ठाउँहरुमा वित्तीय पहुँच पुर्याउने र डिजिटाइजेशनलाई बढावा दिने उद्देश्यले शाखारहित बैंकिङ सेवाको सुरुवात गरेको बैंकले जनाएको छ ।
नबिल बैंकले २०७८ असार १५ गते धान दिवसको दिन दिगो बैंकिङ सेवाको सुरुवात गरेको हो । सुरुमा १७ वटा शाखाबाट सुरु गरेको दिगो बैंकिङ बैंकले हाल १०० शाखामा विस्तार गरेको छ ।
.jpg)
