ऊर्जा खबर
काठमाडौँ । ऊर्जा खबरका सम्पादक लक्ष्मण वियोगी सम्मानित भएका छन् । सामुदायिक विद्युत् उपभोक्ता राष्ट्रिय महासंघले आफ्नो २० औँ स्थापना दिवसका अवसरमा शुक्रबार आयोजित एक समाराेहबिच उनलाई सम्मान गरेको हो ।
पत्रकारितामार्फत ऊर्जा, जलस्रोत तथा जलवायु क्षेत्रको विकासमा पुर्याएको योगदानको कदर गर्दै महासंघले सम्पादक वियोगीलाई सम्मान गरेको हो । झण्डै दुई दशकदेखि ऊर्जा तथा जलस्रोत पत्रकारिता गर्दै आएका उनले २०६५ सालमा नेपाल समाचारपत्रबाट ऊर्जा बिट बनाएर कलम चलाउन शुरु गरेका थिए । नागरिक दैनिकमा साढे ४ वर्ष ऊर्जा पत्रकारिता गरेका वियोगी विगत ८ वर्षदेखि ऊर्जा खबरको सम्पादकको जिम्मेवारीमा छन् ।
सम्पादक वियोगीको कलम साहित्यिक क्षेत्रमा समेत उत्तिकै प्रखर सावित भएको छ ।
