ऊर्जा खबर
काठमाडौँ । रसुवागढी र सान्जेन जलविद्युत् आयोजनाबाट उत्पादित विद्युत् राष्ट्रिय प्रसारण लाइनमा पुर्याउन निर्माणाधीन थाम्बुचेत–काठमाडौँ प्रसारण लाइनकाे निर्माण अन्तिम चरणमा पुगेको छ । जसको टावर निर्माणकाे काम ९६ प्रतिशत पूरा भएको छ ।
उत्तरी रसुवाको सान्जेन र रसुवागढी लगायत सबै आयोजनाबाट उत्पादित विद्युत् व्यवस्थापन गर्न आमाछोदिङ्मो गाउँपालिका (४ थाम्वुचेतमा विद्युत् हब र थाम्बुचेतदेखि हाकु, डाँडागाउँ, ठूलोगाउँ त्रिशूली हुँदै काठमाडौँसम्मको राष्ट्रिय प्रसारण लाइन निर्माण भइरहेकाे छ ।
रसुवागढी जलविद्युत् आयोजनाको १११ मेगावाट, सान्जेनको ४२.५ र माथिल्लो साञ्जेनको १४.८ मेगावाट विद्युत् राष्ट्रिय प्रसारण लाइनमा पुर्याउने गरी उक्त काम भइरहेकाे प्राधिकरणले जनाएकाे ५ । भौगोलिक विकटतायुक्त हाकु क्षेत्रको तिरू इलाकाका लागि आवश्यक उपकरण ढुवानी भइसकेको नेपाल विद्युत् प्राधिकरण राष्ट्रिय प्रसारण महाशाखा प्रमुख थर्कबहादुर थापाले बताए । उनका अनुसार ७६ वटा टावरमध्ये ६७ वटाको निर्माण तथा ७२ किलोमिटर तार तान्नुपर्नेमा ४१ किलोमिटरकाे काम पूरा भएकाे छ ।
.jpg)
