ऊर्जा खबर
काठमाडौं । मोलुङ हाइड्रोपावर कम्पनीले ३५ लाख ३१ हजार कित्ता साधारण सेयर निष्कासन गर्ने भएको छ । कम्पनीले ओखलढुङगामा सञ्चालित ७ मेगावाटको मोलुङ खोला जलविद्युत आयोजनाको सर्वसाधारण र आयोजना प्रभावित स्थानीयका लागि छुट्याएको साधारण सेयर निष्कासन गर्न लागेको हो ।
सय रुपैयाँमा अंकित ३५ करोड ३१ लाख रुपैयाँ बराबरको साधारण सेयर निष्कासन गर्ने तयारी गरेको कम्पनीले जनाएको छ । कम्पनीका अनुसार सेयर निष्कासन अनुमतिका लागि नेपाल धितोपत्रमा बोर्डमा आवेदन दिइएकोे छ ।
बोर्डबाट अनुमति मिलेपछि आयोजना प्रभावित क्षेत्रका स्थानीय र सर्वसाधारणका लागि निष्कासन गरी बाँडफाँड गरिने कम्पनीले जनाएको छ । कम्पनीको सेयर निष्कासन गरी बाँडफाँड गर्न सनराइज क्यापिटल लिमिटेडलाई बिक्री प्रबन्धक चयन गरिएको छ ।
कम्पनीले निर्माण सम्पन्न गरी सञ्चालनमा ल्याएको आयोजनाले २०७४ चैत्र २३ गतेदेखि नियमीत विद्युत उत्पादन गरिरहेको छ ।
.jpg)
