ऊर्जा खबर
काठमाडाैं । राधी जलविद्युत् कम्पनीले लाभांश घोषणा गरेको छ । कम्पनीको शनिबार बसेको संचालक समितको बैठकले आर्थिक वर्ष २०७९/८० को मुनाफाबाट लाभाशं वितरण गर्ने प्रस्ताव गरेको हो ।
जसअनुसार कम्पनीले हाल कायम चुक्ता पुँजीको ४.७५ प्रतिशत बोनस सेयर र कर प्रयोजनाका लागि ०.२५ प्रतिशत नगद लाभाशं गरि कुल ५ प्रतिशत लाभांश वितरण गर्ने प्रस्ताव गरेको हो । कम्पनीको पुस २९ गते हुने साधारणसभाले पारित गरेपछि उक्त्त लाभांश लगानीकर्तामा वितरण हुने छ । कम्पनीले हाल लमजुङ जिल्लामा ४.४ मेगावाटकोे राधी साना जलविद्युत् आयोजना निर्माण गरिरहेको छ ।
यस्तै, कालिका पावर कम्पनीले पनि लाभांश घोषणा गरेको छ । कम्पनीको पुस ६ गते बसेको संचालक समितिको बैठकले आर्थिक वर्ष २०७९/८० को मुनाफाबाट वितरण गर्ने लाभांश प्रस्ताव गरेको हो ।
यस अनुसार कम्पनीले हाल कायम चुक्ता पुँजीको १० प्रतिशत बोनस सेयर र कर प्रयोजनाका लागि ०.५२६३ प्रतिशत लाभांश गरी कुल १०.५२६३ प्रतिशत लाभांश वितरण गर्ने प्रस्ताव गरेको हो । कम्पनीले पुस २८ गते साधारणसभा पनि आह्वान गरेको छ ।
कालिका पावर कम्पनीले गोरखा जिल्लामा ६.४ मेगावाटको दरौदी साना हाइड्रो इलेक्ट्रिक परियोजना निर्माण सम्पन्न गरीसकेको छ ।
