ऊर्जा खबर
काठमाडौं । नेपाल विद्युत प्राधिकरणले ६६ केभी चपली–चावहिल प्रसारण लाइनको विद्युत सेवा बन्द गरेको छ । प्राधिकरणले लाइनको पुरानो तथा जिर्ण कन्डक्टर बदली गर्नका लागि सेवा बन्द गरेको हो ।
नेपाल सरकार र प्राधिकरणको सयुक्त लगानीमा सञ्चालित प्रसारण लाइनको चपली–चावहिल (सर्किट–१) खण्डको कन्डक्टर बदलीका लागि सेवा बन्द गरिएको प्राधिकरणले जनाएको छ । प्राधिकरणका अनुसार गत सोमबार (६ गते) देखि सेवा बन्द भएको छ ।
सेवा आगामी पुस ९ गतेसम्म बन्द हुनेछ । प्राधिकरणका अनुसार विद्युत दैनिक बिहान ७ बजेदेखि साँझ ५ बजेसम्म बन्द हुनेछ ।
यो अवधिमा लाइनको प्रणालीमा विद्युत प्रबाह अनियमीत हुने हुँदा यसको असर विद्यमान चावहिल तथा लैनचोर ६६ केभी सबस्टेसनमा पर्ने पनि प्राधिकरणले जनाएको छ । तोकिएको समयअगावै काम सम्पन्न भए निर्धारित समयअगावै सेवा सुरु हुनेछ ।
