ऊर्जा खबर
काठमाडौं । नेपाल राष्ट्र बैंकले साउन ७ गते (आइतबार) सार्वजनिक गरेको आर्थिक वर्ष २०८०/८१ को मौद्रिक नीति अनुसार राष्ट्रिय वाणिज्य बैंकहरूले ऊर्जा क्षेत्रमा साढे २ खर्ब रुपैयाँ बढी लगानी गरेका छन् । २०८० जेठसम्ममा उक्त कर्जा लगानी गरेका हुन् ।
बैंकहरूले ऊर्जा क्षेत्रको परियोजना विकासका लागि २ खर्ब ६८ अर्ब ७७ करोड रुपैयाँ लगानी गरेको सार्वजनिक मौद्रिक नीतिमा उल्लेख छ । यो बैंकहरूबाट प्रवाह भएको कूल कर्जाको ६.८ प्रतिशत हो ।
यसैगरी, विकास बैंकहरूबाट कृषि, लघु, घरेलु तथा साना उद्योग एवं ऊर्जा र पर्यटन क्षेत्रमा कूल कर्जाको २४.९ प्रतिशत हुन आउने १ खर्ब १३ अर्ब १८ करोड रुपैयाँ रुपैयाँ कर्जा प्रवाह मौद्रिक नीतिमा उल्लेख छ । यी लगानी सौर्य, जलविद्युत लगायतमा प्रवाह भएको छ ।
