ऊर्जा खबर
काठमाडौं । नबिल बैंक र नेपाल उद्याेग् परिसंघ–वूमन लिडरसिप फाेरमबीच ‘नबिल दिगो बैंकिङ र साना तथा मझौला कर्जा’ विषयमा अन्तक्रिया कार्यक्रम सम्पन्न गरेकाे छ । महिला उद्यमीहरुका लागि बुधबार गरिएको अन्तरक्रिया कार्यक्रम सम्पन्न भएको हो ।
ऊक्त कार्यक्रममा बैंकले महिला उद्यमशीलताको लागि चालेका कदमहरु र उपलब्ध कर्जाको बारेमा जानकारी गराएको थियो । कार्यक्रमकाे सुरुवात गर्दै फोरमका संयाेजक छाया शर्माले नबिल बैंककाे दिगो बैंकिङ तथा अन्य महिला केन्द्रित पहलहरुकाे प्रशंसा गर्नुकाे साथै यसले महिलाकाे सामाजिक रुपान्तरणमा याेगदान पुगाेस भन्ने कामना गरिन । साथै उनले वित्तिय पहुँच सगसँगै वित्तिय साक्षरतालाई पनि अगाडी बढाउन सुझाव दिए ।
दिगो बैंकिङ मार्फत बैंकले उद्यमशीलताकाे विकास तथा वित्तिय पहुँचलाई गाउँ गाउँमा पुर्याएर त्यहा उद्यमीहरुकाे सिर्जना गरि दिगाे विकासमा टेवा पुर्याउने लक्ष्य लिएकाे नबिल बैंककाे प्रमुख कार्यकारी अधिकृत अनिल केशरी शाहले बताए ।
कार्यक्रममा बैंककाे दिगो बैंकिङ तथा यस अन्तर्गतका नबिल किसान कर्जा र नबिल उद्यमशिल कर्जाकाे बारेमा नबिल दिगाे बैंकिङका प्रबन्धक लिला प्रसाद अाेझा र साना तथा मझौला कर्जा अन्तर्गतका महिला केन्द्रित कर्जा तथा अन्य बैंकिङ सुविधाकाे बारेमा साना तथा मझौला कर्जा/लघुवित्त विभाग प्रमुख निरज कुमार बस्नेत डनिलले प्रस्तुत तरेका थिए ।
बैंकले गत असार १५ गते धान दिवसकाे दिन नबिल दिगाे बैंकिङकाे सुरुवात गरेकाे हाे । सयूक्त राष्ट्र संघकाे दिगाे विकासकाे लक्ष्यलाई सघाउन विपन्न तथा ग्रामिण वर्गलाई लक्षित गरि दिगाे बैंकिङ कार्यक्रम सुरु गरेकाे बैंकले यस कार्यक्रम अन्तर्गत नबिल किसान कर्जा र नबिल उद्ममशिल कर्जा प्रवाह गर्दै आएकाे छ ।
.jpg)