ऊर्जा खबर
काठमाडौँ । ग्लोबल आइएमई बैंकले ‘पैसा आउने, थपेर पाउने’ योजना सार्वजनिक गरेको छ । बैंकले यो योजना वैशाख २ गते सार्वजनिक गरेको हाे ।
बैंकिङ्ग प्रणालीमार्फत हुने रेमिट्यान्स काराेबारलाई प्रवर्द्धन गर्न ग्लोबल रेमिटमार्फत पैसा पठाँउदा ५०० रुपैयाँसम्म क्यासब्याक पाइने नयाँ योजना बैंकले ल्याएकाे हाे । यो योजना २०२४ जुन १० सम्म लागु हुने बैंकले जनाएकाे छ ।
बैंकका अनुसार ‘पैसा आउने, थपेर पाउने’ नारा सहितको यो योजनामा ग्लोबल रेमिटमार्फत विदेशबाट ग्लोबल बैंकमा रहेको खातामा पैसा पठाँउदा ५०० रूपैयाँसम्म क्यासब्याक पाइने छ ।
यो योजनाअन्तर्गत रेमिट्यान्स पठाउनेले २५ हजारदेखि ५० हजार रूपैयाँसम्म पैसा पठाउँदा १०० रूपैयाँ, ५० हजारदेखि १ लाख रूपैयाँसम्म पठाँउदा २५० रूपैयाँ र १ लाखभन्दा बढी पठाँउदा ५०० रूपैयाँसम्म क्यासब्याक पाइने छ । ग्लाेबल बैंकमा भएको खातामा ग्लोबल रेमिटमार्फत पैसा पठाउँदा ५०० रुपैयाँ थप गरिदिने बैंकले बताएकाे छ ।
