ऊर्जा खबर
काठमाडौँ । गोरखामा ९.८४ मेगावाटको दरौँदी नदी आंशिक जलाशय जलविद्युत् आयोजना निर्माण हुने भएको छ । मनकामना दरौँदै हाइड्रोपावर कम्पनी लिमिटेडले आयोजना अघि बढाउन लागेको हो । यसका लागि कम्पनीले विद्युत् विकास विभागमा दरखास्त पेश गरेर अनुमति पत्रको माग गरेको छ ।
गोरखा नगरपालिकाको वडा नम्बर १२, १३ र १४ मा आयोजनाको बाँध, ग्राभेल ट्रयाप, सेटलिङ बेसिन, हेडरेस पाइप, हेडरेस टनेल, सर्ज साफ्ट, पेनस्टक पाइप, पावर हाउस र टेलरेस जस्ता संरचना निर्माण गरिने भएको छ ।
आयोजना अन्तर्गत स्थानीय दरौँदी नदीमा ९ मटिर अग्लो २८ मिटर चौडाइको ४७ मिटर लामो बाँध निर्माण गरिने छ । बाँधसँगको दायाँ किनारम २.५ मिटर चौडाइको २.५ मिटर लामो साइड इन्टेक निर्माण गरिने र इन्टेकबाट आएको पानीलाई ४४.५० मिटर लामो ग्राभेल ट्रयाप विभिन्न संरचनामार्फत विद्युत् गृहमा पुर्याई विद्युत् उत्पादन गरिने छ ।
आयोजनाको बिजुली ५ किलोमिटर प्रसारण लाइनमार्फत विद्युत् प्राधिकरणको मार्कीचोक सबस्टेशनमा जोडिने छ ।
