ऊर्जा खबर
काडमाडौं । पिपुल्स पावर कम्पनीले ६ लाख कित्ता सेयर निष्कासन गरेको छ । कम्पनीले आयोजना प्रभावित स्थानीयका लागि छुट्याएको साधारण सेयर आवेदन खुल्ला गरेको हो ।
सय रुपैयाँ अंकित ६ करोड ३२ लाख ६० हजार रुपैयाँ बराबरको ६ लाख ३२ हजार ६ सय कित्ता साधारण सेयर निष्कासन गरिएको कम्पनीले जनाएको छ । कम्पनीका अनुसार निष्कासन हुने सेयरमध्ये जिल्लाको इलाम नगरपालिका वडा नम्बर १ र ४ अतिप्रभावित क्षेत्रका बासिन्दाहरूका लागि १ लाख ८९ हजार ७ सय ८० कित्ता सेयर छुट्याइएको छ ।
यस्तै, बाँकी ४ लाख ४२ हजार ८२० कित्ता सेयर जिल्लाभरीका बासिन्दाहरूका लागि छुट्याइएको छ । स्थानीयले न्यूनतम १० कित्तादेखि अधिकतम ५० लाख कित्तासम्मका लागि आवेदन दिन सक्नेछन् ।
स्थानीयले छिटोमा असार २२ गतेसम्म र ढिलोमा साउन ५ गतेसम्म आवेदन दिन सक्नेछन् । कम्पनीको सेयर निष्कासन गरी बाँडफाँड गर्न प्रभु क्यापिटल लिमिटेडलाई बिक्री प्रबन्धक तोकेको छ ।
स्थानीयले नेपाल बंगलादेश बैंकको फिक्कल शाखा, प्रभु बैंकको सन्दकपुर र इलाम शाखा, ग्लोबल आइएमइ बैंकको फिक्कल र इलाम शाखा, प्राइम कमर्शिल बैंकको राँके, मंगलबारे, वितौले, तिनघरे र इलाख शाखाकार्यालयबाट आवेदन दिन सक्नेछन् । साथै, आस्वा सेवामा सहभागि सम्पूर्ण बैंक तथा वित्तिय संस्थाबाट आवेदन दिन सकिनेछ ।
